MichaelGO

酒店唔包早餐，順利成章午飯就要米糕自理啦。

酒店樓下直通難波地下街，見到個樣正正常常就入左去，講到底，爭取時間，儘快解決呢餐午飯。

黎到日本預左大部分人英語水平欠佳，米糕自己又不諳日語，最重要係成份菜單都係純文字既本子。  

好彩餐廳出面就有擺放各款菜式模型，拿拿聲就叫入面既職員出黎指手劃腳揀野食。

呢間餐廳一係烏冬，一係就蕎麥麵，米糕自己就叫左個烏冬試試，味道都唔錯。

食完午餐，米糕就用'Osaka Business Pass' 附送個張地鐵一日票，搭過去'NHK放送會館'。

放送會館旁邊就係大阪歷史博物館，不過自問對歷史無甚興趣，

時間緊迫無需要再搵地方涼冷氣消磨時間，於是就當然轉左算數啦。

基本上成個會館比公眾參觀範圍都係偏向合家歡為主，見到成個兒童節目setting都已經略知一二啦。

舞台前面仲擺左個電視機，跟著黎做下動作跳下舞，都可以幻想下自己做緊兒童節目主持架。  

 嫌兒童節目太無聊，都可以去隔離扮下做天氣報告，米糕又係度做下天氣先生。

''今日由米糕同大家睇天氣。。。''自己真係完全投入，十足十直播緊咁。  

好彩入面既職員就唔識聽廣東話者，唔係聽到米糕七情上面，表情豐富，要人忍住笑就唔好啦。  

實用資料

BK廣場／NHK大阪放送會館

〒540-0008 大阪市中央區大手前4－1－20

交通：地下鐵谷町四丁目