MichaelGO

｢小小世界」其實都推出左一段時間，當年迪士尼更加曾經為呢個景點大賣廣告，引來一時轟動呢。。不過今日米糕隔左咁耐重臨此地，又見到另一個畫面。

指示牌寫著輪候時間要5分鐘，但實際上卻只需50秒。點解米糕又咁講呀，其實有圖就有真相啦  ，

見到成個輪候區完全空蕩蕩，米糕根本就係直行直過，仲見到有小朋友跑住衝落去添。（當然好快就有職員提醒小朋友唔好衝落去，以免跌倒啦！）

落到黎架船前面，機緣巧合關係，看來原本唔想載客既船比職員喊左米糕去坐。 

到上船一刻發現，點解仲唔見後面有人黎坐既？直到閘口關門一刻發現，米糕居然包晒成架船呀！   

因為免費包船既關係，今次｢小小世界」之旅極度興奮，情緒高漲  ，

從未試過可以360度環迴影相觀賞，仲要前前後後無人阻礙拍照角度，於是米糕就把握呢個機會瘋狂拍照啦。

話咁快，呢轉包船之旅就完畢啦。

走到出面既雪糕店，原本打算買杯雪糕慶祝下，但居然發現已經關上大閘。米糕呢個時候係度想，有得比米糕包船固然過癮，但如果呢個景點持續都係咁少人去，會唔會有一日真係要將成個景點關閉？米糕當然就唔希望有呢一日啦。

轉眼間又到天黑，米糕完全感受到強風開始迎臉吹來。

去食晚飯既途中又經過｢迷離大宅」，於是影左幅頗有特色既相片。。明信片呀！

今晚米糕既晚飯定於｢廣場飯店」，好彩臨近放煙花時間，好多遊客都轉移到廣場外拎定位置觀賞，亦令米糕入到餐廳就即刻有位置，真係好。

因為無耐之前先食完下午茶，所以米糕晚飯叫既食物唔多。

清湯浸魚肚，頗為清淡既一味菜，健康！只係略嫌選料用上經漂白既白色魚肚，咁幾清淡都無咩健康囉。

燒味拼盤，同樣中規中矩，味道不俗。

食完晚飯之後，煙花又跟住放完，於是人群四散往出口去，米糕就跟住同行回家去。

後記（靈異影像）：

話說米糕家渣車回家時突然下起滂沱大雨，電台隨即廣播昂船洲大橋中線關閉，比米糕影到幅靈異影像。。唔知邊度靈異自己就留個言估下啦。。