MichaelGO

前言

本身這個暑假，米糕一直沒有打算要到泰國的，但就在半年前米糕手多訂了布吉的villa promotion，訂了之後才發現不知何時使用這個優惠的大難題！（poor Michael!  ）

左夾右夾發現在暑假去最好不過，才促成這次泰國之旅。

還記得上一次到泰國，是在2008年北京奧運正在進行的時候。闊別五年，這次重臨泰國，會不會給了我一些驚喜呢？又會不會成為米糕旅行目的地中的''優先名單''呢？

航班

本身飛曼谷，其實都有很多航空公司選擇。最初留意到的是香港航空 (HX)，因為他的航班時間最好，去程可以12點多起飛，睡到10點才起床都仲得！

而回程就有一班晚上八點多起飛的航班，是全日眾多航班最夜返香港既班機，所以絕對可以玩到盡！

望埋佢地既設備，原來曼谷係佢地既旗艦航線，部分航班會有180度fully flat bed同15" touch screen架。嘩！估唔到搭短途機都有長途機既享受。

不過最重要都係價錢！飛曼谷一張機票未連稅要接近6000大元，''真心不便宜啊''，米糕家可沒有這麼多錢，還只是個小康之家而已。

後來又比我搵到間''皇家約旦航空’'，同樣係用A330客機執飛。雖然座椅去唔到180度fully flat，不過價錢方面仍然算可以接受。

航班時間方面，''RJ''要晚上出發，不過去到曼谷仍然都夠時間轉機去布吉。但係去到布吉就辛苦啦，要接近凌晨先抵達，去到第一晚resort可能已經無左半晚。

咁既情況下，米糕就決定''還原基本步''，香港出發既人搭’'香港航空''，咁泰國出發既人搭咩公司架？答案咪係''泰國航空''囉！

一開始搜尋泰航的詳情已經很令人興奮了，原來年多前泰航才引入了空中巨無霸A380，而且還會在香港至曼谷的航班上服務，每日執飛一班。對於米糕這種連A380和B787都未搭過的大鄉里來說，看來都是體驗A380的好機會哦！

再留意他們的配套，原來搭泰航轉機可以直接將行李寄到布吉，不需再在曼谷再次領取行李，而且續程登機證都可以在香港領取，屆時在曼谷下了己之後直接前往轉機櫃檯即可，省回不少時間。

而且泰航來往曼谷和布吉的航班多得驚人，平均每個小時就可以有一班對開出發了，所以米糕在時間方面都比較容易配合。

最令米糕興奮的是泰航在曼谷機場的設施，搭乘商務艙的旅客可以直接在他們的專屬區域checkin，還可以算個''Checkin Lounge''來的，而且還附帶只供泰航高端旅客使用的安檢和出境櫃檯，是真正的''fast track immigration''啊！（其他航空公司的''fast track immigration service''是多間航空公司一起共用的，所以等候時間實際上也不會有太多分別）

而且他們在曼谷專為頭等及商務艙旅客提供的''Royal Spa''更是讓人驚艷，有甚麼好得在登上客機之前再做個能舒展神經的按摩呢？米糕在曼谷機場的時候一定會到這裡去哦！

住宿

是次旅程會到布吉，是因為訂了半年前的villa promotion。不過這個promotion只包了兩晚住宿，在布吉一定不夠玩的，於是米糕必須再多選一間resort。

The Naka Island, A Luxury Collection

看到網站的圖片，就已經令米糕驚艷起來了。坐落在布吉不遠的一個小島上，有一間寧靜的小屋，相信住在裡面一定十分寫意。

看到這個環型泳池，就更加令米糕''嘩嘩聲''啦！而且resort仲係全球最大酒店集團starwood旗下既The Luxury Collection ''豪華精選''resort，

係世界上唔少著名，或者名人經常出入既酒店都係呢個品牌既成員架！

不過一望個價錢，又令米糕''嘩嘩聲''！個Resort 夠luxurious之餘連價錢都係咁''Luxury''！呢間resort望下就好啦，住？都係留返$$去其他地方仲好啦。

The Village Coconut Island

見到The Naka Island咁夢幻，米糕當然''食髓知味''，即刻專注搵下布吉仲有無其他Island Resort。

跟住機緣巧合下，話咁快又比我搵到間係''Coconut Island''既resort。

望下房間圖片，雖然講不上係豪華，不過都帶左種純樸風格。

最重要係價格親民，2 bedroom villa計埋都仲平過The Naka Island既1 bedroom villa！所以最後頭兩晚住宿就決定係The Village Coconut Island啦！

Dusit Thani Laguna Phuket

呢間一望就知道係傳統既老牌resort，係布吉遊客區Laguna裡面，入面既resort全部都係有名既品牌酒店，所以信心有保證。

望埋佢地位置都幾方便，行出去就係Bangtao Beach，而且仲有埋沙灘椅提供，有時想玩下沙都仲得。而且配套都幾完善，隔離就已經係Laguna裡面既購物商場，有咩日常所需都應該可以係裡面搞掂。

重頭戲係米糕住既Villa，望佢地網站既介紹原來係三層式既Penthouse連Private Pool，不過就得平面圖，實際圖片就真係唔多，但見到自己會住獨立屋，就真係''未出發，先興奮’'呀！

Royal Orchid Sheraton Bangkok

呢間酒店聽聞係曼谷都幾出名下，而佢最吸引米糕既就係位處湖畔，房間裡面可以望到湄南河既景色。而且交通方面，佢地仲提供免費shuttle boat來往central pier，而Central Pier隔離就已經係BTS捷運車站，所以都算幾方便下，可謂旺中帶靜。

而且住呢間Sheraton，仲可以幫手儲埋spg積分同埋有late checkout till 4pm（雖然明知唔會比到4pm，但都好過無），都算唔錯。

不過望埋佢地既房間，最大都只係去到帶living area既Standard Suite，以米糕一大班人，浩浩蕩蕩咁去未必夠住播。

Chatrium Hotel Riverside Bangkok

於是米糕又著手搵下其他係Riverside既酒店。其實沿著河邊都有幾多酒店下，要經濟既有Ibis，要極盡奢華既有The Peninsula。

不過最終打動到米糕既，唔係以上堆大品牌酒店，而係呢間聽都未聽過既Chatrium Hotel。個名都難讀過人，連依家米糕都唔係好識讀佢個正確發音呀。

不過佢地既房間真係成個apartment咁架！望到有唔同類型既Suite可以選擇，有1 bedroom suite，又有2 bedroom suite。2 bedroom suite就一定夠米糕訓啦！

而且所有房間仲帶埋露臺、廚房、雪櫃等設備添，十足自己屋企咁。

最重要係佢地一樣有提供free shuttle boat service，咁交通方面就無問題啦。

既然酒店同機票都搞掂左，米糕當堂就變得滿懷興奮迎接呢次旅程。

快速連結

航空篇 TG601香港至曼谷   TG217

Day1

Day2

Day3

Day4

Day5

Day6

Day7

Day8