MichaelGO

 

 

夜遊大阪港

夜晚成條街一個人都無，靜到有點陰森。。。好彩燈光都尚算充足，唔係米糕真係嚇到不似人形啦。

唉，多得國泰班CX506 延誤，本身呢個應該放係第一日日頭既行程要擺到第二日夜晚先去得到！  

 

 

呢個時候，雖然外牆仲係好光猛，但其實大阪港好多店舖都已經打烊打得七七八八，就連裡面既餐廳都就快last order。

 

 

米糕已經餓到肚仔打鼓，於是趁餐廳係last order之前快快手手咁叫左份烏冬食下。

食埋碗烏冬，連商場室內燈光都差唔多關得七七八八，好似要拉閘放狗趕人走咁。。。  

 

 

於是米糕去埋剩返仲開緊既摩天輪，叫做望下夜景囉。

果然，米糕一行人包晒成個摩天輪，剩返我地係度坐。

 

 

所謂既夜景真係好一般，好似望緊工業區咁，好多都已經關晒燈，完全無''美麗''可言。。

其實見到D店舖打晒烊，米糕一行人都已經無晒mood，望埋咁既夜景都已經無晒感覺無晒心情lu。

 

 

係摩天輪落返黎，見到原本想玩既海盜船係冬天維修，知道昨天早上來都玩不到之後，令自己心情稍為好過一點。

 

實用資料

電電城

交通：地下鐵

天保山大觀覽車

交通：搭乘地下鐵於大阪港下車，步行約10分鐘