MichaelGO

品嘗左份｢特色」下午茶tea set之後，米糕同行就走左去玩autopia。

今次排隊大家都好守秩序，所以隊龍都算行得好快。

但係落到去月台等上車個陣又遇到些少插曲。。話說米糕同行希望可以連到幾架車一齊，咁岩前面就剩得兩架空車，於是就比職員A著米糕等下一轉。

但係等候途中，突然殺出個職員B，無端端莫名其妙咁叫人排係線後面。。（事實上線後面其實係職員通道，企係個度係阻緊其他職員出入）

不過既然呢位職員B咁要求，咪聽下佢話囉，畢竟米糕都想做個文明既市民。（但係企係個個位足足比其他職員喊左幾次｢唔該借借」）

好啦，下一轉車黎左，車上既人都落左車，但卻見職員B不斷叫後面既遊客上前，完全無理到米糕同行係度等緊｢下一轉」呢回事。

於是米糕同行就即刻上前問右邊通道咪有空位囉？點解唔比米糕過去？

跟住職員B即刻反應快咁講：｢因為你想玩左邊丫嘛」

米糕聽到呢番話當下想暈落黎，都唔知係職員B係咪天才得滯，定係我有精神問題連自己講過咩都唔知。

跟住米糕同行即刻講返話我地無講過啦，點知位職員B仲要重複｢因為你想玩左邊丫嘛」，真係激到米糕成班人火都黎埋，好彩旁邊個職員A調停講唔好意思，唔係米糕估件事搞到更加嚴重都似。

其實樂園要請負責安排排隊既職員，無非都係想令隊龍轉流更快者，呀職員目標要令隊龍轉流更快，見到個客咁講咪安排返個位就無事囉，何必仲要同個客死撐呢？（米糕都唔再計較究竟職員B句說話係點｢聽」黎啦）

呢度又想再同迪士尼比個意見，真係培訓職員個陣要增加｢同理心」一項，關顧顧客需要同感受囉。